7- Siyaabood oo macaanku usaameeyo kaadi-haysta.

Heerka sonkorta oo aad usareeyaa waa mid saameyn balaadhan ku leh dhamaan habdhiska jidhka ee kale duwan.

Kaadi-haystu waxa ay ku taalaa xagga hoose ee uur-kujirta ,Dhexda labada miskood udhexaysaa lafta loo yaqaan hip bone.

7-siyaabood ee macaanku u saameeyo kaadi-haysta waxa ka mid ah:

Heerka sonkorta oo saraysaa siyaabaha ay usaamaynayso heerka sonkorta waxa ka mid ah:-

• Heerka sonkorta oo saraysaa waxa ay keentaa kaadi-badan.
• Caabuqa kaadi-haysta,heerka sonkorta oo saraysaa waxa ay wiiq-daa hab-difaaca qofka ,kaadi-haystu waxa ay hoy u noqotaa bakteeriyada ,maadaama ay helayso sonkor badan oo koritaan iyo taran ay kusamaynayso.
• Shaqada kaadi-haysta oo hoos udhacda, macaanka/sonkorowgu waxa uu dhaawacaa unugyada dareenka ee ka shaqaysiiya kaadi-haysta ,qofka macaanku uu ka dhaawacay unugyadaas waxa soo wajaha :-
  • Kaadida oo uu xajisan kari waayo.
  • Kaadida oo aan ka faaruqin kaadi-haysta.
  • Degenaanshiyo la’aan kaadi haysta ah.
• Heerka sonkorta oo aad usaraysaa waxa ay keeni kartaa xanuuno jiitama oo soo wajaha kaadi-haysta sida kansarka kaadi-haysta ku dhaca iyo xanuuno kale oo soo wajaha kaadi haysta.
• Kaadida oo ay soo raacdo sonkor aad ubadan waa mid dhaawacaysa caafimaadka iyo bad-qabka kaadi haysta.
• Ugu danbayn sonkortaada oo aad usaraysaa waa mid dhaawacaysa tuunbooyinka kaadi-haysta iyo kelyaha.
• Heerka sonkorta oo saraysaa waxa ay keenaysaa in ay aad ushaqayso kaadi-haystu,oo bukaanka waxa lagu arki doonaa noq-noqod badan oo suuliga ah.

@caafimaadka.net

W/Q Mohamed ibrahim

Mihnadle caafimaad.